Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Қазақстанда 1 наурыздан бастап пойыз билеттері қымбаттайды

2021 жылдың 18 қаңтар 2021 18:15

НҰР-СҰЛТАН. ҚазАқпарат - 2021 жылдың 1 наурызынан бастап облысаралық және қала маңына қатынайтын барлық әлеуметтік маңызы бар бағыттарға теміржол билетінің құны 7% қымбаттайды, деп хабарлайды ҚазАқпарат.

«Жолаушылар тасымалы» АҚ мәліметі бойынша, компания жолаушы тасымалдау сапасын жақсартуға, оның ішінде жылжымалы құрам паркін жаңартуға және қызмет көрсетудің жаңа стандарттарын енгізуге бағытталған шараларды жүргізіп отыр.

«Жолаушылар тасымалы» АҚ 2018 жылдан 2020 жылға дейін 159 вагон сатып алған. Аталмыш вагондар мына бағыттарға қатынайтын жолаушы пойыздарының құрамында бар : Алматы-Маңғыстау, Нұр-Сұлтан-Сарыағаш, Атырау-Нұр-Сұлтан, Атырау-Алматы, Нұр-Сұлтан-Арқалық, Атырау-Маңғыстау, Алматы-Жезқазған және Нұр-Сұлтан-Семей.

Сонымен қатар, 1 тоқсанда 50 жаңа вагон жеткізіледі деп күтілуде.

Бұл вагондар мына бағыттар бойынша қатынайды: Алматы-Маңғыстау, Қызылорда–Семей, Алматы-Өскемен және Нұр-Сұлтан-Семей.


Автор Қанат Мәметқазыұлы
Басты сөздер: ҚТЖ, Тариф, Көлік,
Жоғары қарай