Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстан өкілдері Түрікменстанда өткен ЭЫҰ кеңесіне қатысты

2021 жылдың 29 қараша 2021 03:07

НҰР-СҰЛТАН. ҚазАқпарат - Қазақстан делегациясы ЭЫҰ Сыртқы істер министрлері кеңесіне қатысты. Бұл туралы ҚазАқпарат СІМ сілтеме жасап хабарлайды.

Қазақстан Республикасы Сыртқы істер министрінің бірінші орынбасары Шахрат Нұрышев Түрікменстанның төрағалығымен Ашхабад қаласында Экономикалық ынтымақтастық ұйымының (ЭЫҰ) 15 саммиті қарсаңында өткен ЭЫҰ Сыртқы істер министрлері кеңесінің 25-ші отырысына қатысты.

Іс-шараға мүше мемлекеттердің сыртқы саяси ведомстволарының және ЭЫҰ мамандандырылған агенттіктерінің басшылары қатысты.

Министрлер алдағы ЭЫҰ мүше-мемлекеттері басшыларының отырысында қабылдауға жоспарланып жатқан ЭЫҰ саммиті күн тәртібінің және Іс-қимылдар жөніндегі Ашхабад консенсусының (Ашхабад декларациясы) жобаларын келісті.

Кеңес ЭЫҰ Хатшылығының қызметі туралы Бас хатшының есебі мен 2021-2022 жылдарға арналған ЭЫҰ өңірлік жобалары бойынша ұсынымдарын тыңдады, ЭЫҰ Хатшылығының 2022 жылға арналған бюджеті мақұлдап, ЭЫҰ-ны дамытудың 2025 жылға дейінгі тұжырымдамасы өзектендірді.

Сонымен қатар, отырыста ЭЫҰ сыйлығына үміткерлердің кандидатуралары бекітілді. Тарих, мәдениет, әдебиет және өнер санатында ҚР Мәдениет және спорт министрлігі жанындағы Ұлттық музейдің физикалық антропология зертханасының басшысы Оразақ Исмағұловтың кандидатурасы бекітілді.

СІМК отырысының қорытындысы бойынша ЭЫҰ және ЭСКАТО арасында өзара түсіністік туралы Меморандумға қол қою рәсімі өтті.

Министрлік кездесу қарсаңында өткен ЭЫҰ бизнес-форумы аясында Қазақстан-Түрікменстан-Иран теміржол дәлізі бойынша жүк тасымалын ұлғайтуға бағытталған меморандумға қол қойылды.


Жоғары қарай