Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қазақстан мен Қытайдың өзара тауар айналымы 17 млрд долларға жетті – Мемлекет басшысы

2022 жылдың 25 қаңтар 2022 15:33

НҰР-СҰЛТАН. ҚазАқпарат – Қазақстан мен Қытайдың өзара тауар айналымы 17 млрд долларға жетті. Бұл туралы Мемлекет басшысы Қасым-Жомарт Тоқаев «Орталық Азия – ҚХР» саммитінде айтты, деп хабарлайды ҚазАқпарат тілшісі.

«Бүгінде екіжақты тауар айналымы барлық жаңа рекордтық белгілерге жетіп отыр. Өткен жылдың 11 айының қорытындысында бұл көрсеткіш 17 млрд долларға дейін жетті. Орталық Азия мемлекеттеріне 40 млрд долларлық қытай инвестициясының жартысы Қазақстанға тиесілі. Бұл да өте жақсы көрсетіш. Сондықтан біздің еліміздің өңірдегі Қытайдың ірі сауда және инвестициялық серіктесіне айналуы заңдылық. Осы мүмкіндікті пайдаланып, шетелдік инвесторларды, оның ішінде қытайлық серіктестерімізді мұнан ары да жан-жақты қолдауға ниетті екендігімізді атап өткім келеді», - деді Мемлекет басшысы.

Қасым-Жомарт Тоқаев қазіргі уақытта Қазақстан Үкімет іинвесторлар үшін барынша қолайлы жағдай жасауға бағытталған жаңа инвестициялық саясат әзірлеп жатқандығын атап өтті.

«Мұндай саясат Қазақстанның жаңа экономикалық бағытының ажырамас бөлігі саналады», - деп атап өтті ҚР Президенті.


Жоғары қарай