Ауа райы
Астана -17 °С
Алматы -5 °С
валюта бағамы
USD 421.58
EUR 496.83
RUB 5.53
CNY 62.20

Қазақстан мен Корея денсаулық сақтау саласындағы ынтымақтастықты нығайтады

2020 жылдың 16 шілде 2020 19:40

НҰР-СҰЛТАН. ҚазАқпарат - ҚР Денсаулық сақтау министрі Алексей Цой Корея Республикасының Қазақстандағы Төтенше және Өкілетті Елшісі Ку Хонг-сок мырзамен онлайн-кеңес өткізді. Бұл жөнінде ведомствоның баспасөз қызметіне сілтеме жасап ҚазАқпарат хабарлайды.

Кездесу барысында тараптар екі елдегі эпидемиологиялық жағдайды, пандемияның даму ерекшеліктерін және коронавирус жұқтырған пациенттерге медициналық көмек көрсету, Қазақстан мен Кореяның ынтымақтастығына қатысты өзекті мәселелерді, оның ішінде денсаулық сақтау, медициналық білім және ғылым саласындағы тәжірибе мен білім алмасуды талқылады.

Корей тарапы COVID-9 қарсы күрестегі тәжірибесімен және инфекциялық аурулардың болашақта өршіп кетуіне жол бермеу қою үшін денсаулық сақтау жүйесін нығайту бойынша шараларды бөлісті.

Алексей Цойдың айтуынша, халықаралық ынтымақтастық пен өзара қолдау COVID-19 қарсы күресте үлкен маңызға ие. Кореяның коронавируспен күресте тәжірибесі мол, сондықтан ынтымақтастық пандемияға байланысты туындаған бірқатар проблеманы шешуге, әсіресе COVID-19 бақылау ісінде білім мен озық практика алмасуға көмектеседі.

Кездесу қорытындысы бойынша денсаулық сақтау саласындағы Қазақстан-Корей ынтымақтастығын одан әрі дамыту, атап айтқанда COVID-19 бойынша әдіснама, жағдайды болжау, модельдеу және т. б. бойынша онлайн режимде мамандарды оқыту семинарларын өткізу жөніндегі уағдаластыққа қол жетті.

Сондай-ақ, тараптар екіжақты ынтымақтастықты қысқа мерзімді, орта мерзімді және ұзақ мерзімді перспективаларға стратегиялық дамыту туралы шешім қабылдады, бұл сөзсіз өзара тиімді әріптестікке серпін береді.


Жоғары қарай