Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қазақстан мен Армения коронавирус вакцинациясының паспортын өзара таныды

2021 жылдың 19 қараша 2021 16:00

ЕРЕВАН. ҚазАқпарат - Бүгін ҚР Денсаулық сақтау министрі Алексей Цой армян әріптесі Анаит Аванесянмен кездесті, деп хабарлайды ҚазАқпарат.

ҚР Денсаулық сақтау министрлігінен мәлім еткендей, кездесу барысында министрліктердің басшылары екіжақты ынтымақтастықтың басымдықтарын белгілеп, вакцинация паспорттарын өзара тану туралы жариялады.
Армения вакцинация паспорты Қазақстанда танылған 17-ші мемлекет болды.

«ҚР аумағында келесі елдерде берілген азаматтардың КВИ-ға қарсы вакцинация паспорттары/сертификаттары/анықтамалары жарамды деп танылсын: Аргентина Республикасы, Венгрия, Грузия, Иран Ислам Республикасы, Иордания, Қырғыз Республикасы, Мальдив Республикасы, Моңғолия, Армения Республикасы, Беларусь Республикасы, Молдова Республикасы, Перу Республикасы, Сан-Марино республикасы, Сербия, Тунис Республикасы, Үндістан Республикасы, Филиппин Республикасы, Таиланд, Түркия Республикасы, Эстония Республикасы», - делінген еді елдің бас санитарлық дәрігерінің 15 қарашадағы қаулысында.

Бұдан басқа, сапар шеңберінде Еуразиялық экономикалық одаққа мүше мемлекеттердің өндірісі Еуразиялық экономикалық одақта 2024 жылға дейін қамтамасыз етілуі тиіс стратегиялық маңызды дәрілік препараттармен және медициналық қолдануға арналған фармацевтикалық субстанциялармен қамтамасыз етілу деңгейін арттыру жөніндегі іс – шаралар жоспары талқыланды.

Сондай-ақ, Қазақстан денсаулық сақтау министрі әріптестерімен бірге Эребуни медициналық орталығына барды, ол елдің ең ірі медициналық мекемесі болып табылады, онда халыққа әлемдік стандарттарға сәйкес көпбейінді, жоғары білікті медициналық көмек көрсетіледі.


Жоғары қарай