Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қасым-Жомарт Тоқаев Президент Телерадиокешенінің жаңа аппараттық-студия кешенін аралап көрді

2021 жылдың 23 ақпан 2021 22:50

НҰР-СҰЛТАН. ҚазАқпарат - Мемлекет басшысы Қасым-Жомарт Тоқаев Қазақстан Республикасы Президентінің Телерадиокешенінің жаңа аппараттық-студия кешенін аралап көрді, деп жазды Берік Уәли Facebook-тегі парақшасында.

«Биыл Қазақстан Республикасы Президентінің Телерадиокешеніне 25 жыл. Бүгін Мемлекет басшысы Қасым-Жомарт Тоқаев ТРК-ның жаңа аппараттық-студия кешенін аралап көріп, ұжымды мерейтойымен құттықтады. Президент Телерадиокешені жұмысының негізгі нәтижелерімен танысты. Ширек ғасыр ішінде оның қызметкерлері 800 деректі фильм түсірген. 2019 жылдың 20 наурызынан бері Мемлекет басшысының қызметі туралы 600 сағаттық видеотүсірілім жасалып, 56 деректі фильм, 450 видеоролик дайындалған. Көптеген видеоматериалдар Telegram және YouTube әлеуметтік желілеріне жүктелген« деп жазды ол.




Берік Уәлидің келтірген дерегіне сай, Президенттің Телерадиокешені Қазақстан Тәуелсіздігінің 30 жылдығына орай «Абайдың қара сөздері» және «Қуатты өңірлер – қуатты Қазақстан» деректі фильмдер циклын түсіруді жоспарлап отыр.




Сондай-ақ, Президент Телерадиокешеннің ұжымына ел өміріндегі аса маңызды оқиғаларды жедел әрі сапалы жариялап көрсеткені үшін ризашылығын білдірді.

»Қасым-Жомарт Тоқаевқа «Ақорда» резиденциясында орнатылған UHD (4K) аппараттық-студия кешені таныстырылды. Бұл кешен жоғары сапалы видеотүсірілім жасауға мүмкіндік береді. Мемлекет басшысы Телерадиокешеннің ұжымына ел өміріндегі аса маңызды оқиғаларды жедел әрі сапалы жариялап көрсеткені үшін ризашылығын білдіріп, ТРК қызметкерлеріне жаңа шығармашылық табыс тіледі» деп жазылған хабарламада.





Басты сөздер: БАҚ, Қазақстан Президенті,
Жоғары қарай