Ауа райы
Астана 25 °С
Алматы 27 °С
валюта бағамы
USD 409.19
EUR 461.24
RUB 5.67
CNY 58.26

Қаржы министрлігі елге азық-түлік кіргізу рәсімін барынша жеңілдетті

2020 жылдың 30 наурыз 2020 21:48

НҰР-СҰЛТАН. ҚазАқпарат - ҚР Қаржы министрлігі елге азық-түлік кіргізу шараларын барынша жеңілдетті, деп хабарлайды ҚазАқпарат Мемлекеттік кірістер комитетінің баспасөз қызметіне сілтеме жасап.

«Елімізге импортталатын азық-түліктерді жеткізу үшін «жасыл дәліз« жұмыс істеуде. Кедендік кедергілер жойылып, тексерістер мен тауарлардың құнын бақылау рәсімдері алынып тасталды.

Сондай-ақ, 2020 жылдың 22 наурызынан бастап ҚР Үкіметімен жекелеген тауарларды (қарақұмық, ұн, қант, картоп, сәбіз, шомыр, қызылша, пияз, орамжапырақ, күнбағыс дәні, күнбағыс майы) Қазақстаннан шығаруға тыйым салынды. ҚР ҚМ Мемлекеттік кірістер комитеті бұл тауарларға экспорттық кедендік бақылауды күшейтіп, «АСТАНА-1« электронды декларациялаудың ақпараттық жүйесінде оларды экспорттауға тыйым салды (Бұл тыйым ЕАЭО елдеріне таратылмайды)», делінген хабарламада.

ҚР Қаржы министрлігі, ҚР ҰҚК Шекара қызметі және ҚР Денсаулық сақтау министрлігінің бірлескен шешімі бойынша әдеттегі жүйе бойынша жұмыс істейтін жүк өткізу бекеттері белгіленді (қалған бекеттердің жұмысы төтенше жағдайға байланысты 2020 жылдың 16 наурызынан бастап уақытша тоқтатылды).

Осылайша, Қытай Халық Республикасы мен Қазақстан арасында «Нұрлы жол» және «Достық» өткізу бекеттері (автокөліктер үшін) жұмыс істеуде.

Өзбекстан мен Қазақстан арасында: «Қазығұрт», «Қапланбек», «№Б.Қонысбаев», «Атамекен», «Тәжен» бекеттері.

Түркіменстан мен Қазақстан арасында: «Темір баба» бекеті.

Ресей Федерациясы мен Қазақстан арасында «Қайрақ», «Жаңа жол», «Қарақоға», «Шарбақты», «Үрлітөбе», «Қосақ», «Ауыл», «Үбі», «Жайсаң», «Әлімбет», «Сырым», «Құрманғазы», «Тасқала», «Жәнібек» бекеттері жұмыс істеуде.

Барлық халықаралық шекара бекеттеріндегі өткізу пункттерінде санитарлы-карантиндік бақылау күшейтілген. Атап айтқанда: санитарлық-эпидемиологиялық қызмет жұмысшылары жұмылдырылған, өткізу бекеттері жылу сезгіш құралдар және пирометрлермен жарақтандырылған, науқас адамдар анықталған жағдайда, оларды уақытша оқшаулауға арналған ем-шаралық бөлмелер қарастырылған.


Жоғары қарай