Ауа райы
Астана 19 °С
Алматы 18 °С
валюта бағамы
USD 405.69
EUR 455.51
RUB 5.72
CNY 57.42

Карантиндегі кәсіпорындарды тексеру уақытша тоқтатылады

2020 жылдың 4 маусым 2020 15:27

НҰР-СҰЛТАН. ҚазАқпарат - Елімізде төтенше жағдайдың аяқталуына байланыста салық және кеден тексерулері жаңартылды. Бұл ретте кәсіпкерлік субъектілерінің жұмыс жасау режимі ескерілетін болады, деп хабарлайды ҚазАқпарат ҚР Қаржы министрлігі Мемлекеттік кірістер комитетінің баспасөз қызметіне сілтеме жасап.

«Егер де тексерілетін кәсіпорынның қызметкері карантинге кеткен болса, онда кәсіпорынның жұмысы қайта жанданған уақытқа дейін тексеру уақытша тоқтатылады. Бұл ретте кәсіпкерлік субъектісіне құжаттарды ұсыну туралы талапнама табыс етіледі», делінген хабарламада.

Комитеттің мәліметінше, бүгінгі таңда мемлекеттік кірістер органдарында 1 403 салық және 382 кедендік тексеруі өндіріске алынған.

«Сыртқы экономикалық қызметке қатысушылармен тікелей байланысты азайту үшін, жергілікті жерлерде кеден тексеруінің басым бөлігі кәсіпорынға бармай-ақ, қашықтан жүргізіледі. Ондай тексеру саны 60-тан асады», делінген хабарламада.

Сондай-ақ, кәсіпкерлерді қолдау мақсатында Мемлекеттік кірістер комитеті 2020 жылдың екінші жартыжылдығына салық тексеруінің кестесін жасаудан бас тартқан.

«Яғни 700-ге жуық тексеру жасалмайды. Нақты бұзушылық бойынша ғана жоспардан тыс тексеру жүргізіледі», делінген хабарламада.


Жоғары қарай