Ауа райы
Астана 19 °С
Алматы 17 °С
валюта бағамы
USD 412.55
EUR 468.66
RUB 5.79
CNY 58.80

Карантин: Нұр-Сұлтанда жұмысын тоқтатпаған мейрамханалар жауапқа тартылды

2020 жылдың 21 наурыз 2020 16:46

НҰР-СҰЛТАН. ҚазАқпарат – Нұр-Сұлтан қаласы Инвестистициялар және кәсіпкерлікті дамыту басқармасының басшысы Ерлан Бекмырзаев карантин режимін бұзған кәсіпкерлер туралы айтып берді, деп хабарлайды ҚазАқпарат.

«19 наурыздан бастап қаламызда карантин енгізілді және қалада жедел штаб өз жұмысын жалғастырады. Штаб бойынша негізгі құжат қабылданды. Бұл шешіммен азық-түлік пен қажетті тауарларды сататын нысандардан басқа бизнес субъектілерінің жұмысы тоқтатылды. Бизнес-орталықтар мен техникалық қызмет көрсету станциялары үшін таңғы сағат 10.00-ден 17.00-ге дейінгі жұмыс кестесі бекітілді», - деді спикер қала әкімдігінде өткен онлайн-брифингте.

Сонымен бірге, басқарма басшысы жұмысы тоқтатылмаған шағын және орта бизнестің санитарлық шараларды күшейтуі қажеттігін еске салды.

Қоғамдық тамақтану нысандары жабылды. Бірақ, олар онлайн тапсырыс пен жеткізу қызметі арқылы жұмыс істей алады. Елордада 344 мейрамхана бар. Алматы ауданында – 52, Есіл ауданында – 192, Байқоңырда – 40 және Сарыарқа ауданында – 60.

«Карантин режимін бұзу фактілерінің алдын алу үшін полицейлер, әкімдік және еріктілер күнделікті рейд жүргізеді. Жұмысын тоқтатпай, келушілерді қабылдаған мейрамханалар анықталды. Оларға қатысты құзіретті органдар қажетті шара қабылдауда. Біз үшін азаматтардың денсаулығы мен қауіпсіздігі маңызды. Егер осындай құқықбұзушылыққа куә болсаңыз, хабарласуыңызды сұраймыз. Әкімдікте тәулік бойы жедел штаб жұмыс істейді. 109 немесе 1432 нөміріне хабарласа аласыздар», - деді Ерлан Бекмырзаев.


Жоғары қарай