Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қарағандыда республикалық айтыс жеңімпаздары анықталды

2021 жылдың 26 қараша 2021 13:40

ЖЕЗҚАЗҒАН. ҚазАқпарат - Жезқазғандық Төлеген Жаманов Жүрсін Ерманның 70 жылдығына арналған республикалық айтыстың бас жүлдесіне ие болды. Шығармашылық жарыс Қарағандыда өтті, оған еліміздің әр өңірінен 16 танымал ақын қатысты, деп хабарлайды ҚазАқпарат.

Жүргізуші ҚР еңбек сіңірген қайраткері Аманжол Әлтаев болды.

«Айтыс менің отанымда өтіп жатыр. Мұнда ең мықты ақындар келді, оларды қазақ зиялыларының көрнекті қайраткерлері бағалайды. Бұған дейін Сарыарқаның жерінде Қазыбек би мен Сәкен Сейфуллинге арналған үлкен айтыстар өткізілген. Бүгінгі күн де жоғары деңгейде өтеді және біз тамаша кештің қатысушылары боламыз деп сенемін», – деді мерейтой иесі ән байқауының ашылуында.




9 сағатқа созылған айтыста ақындар қазіргі заманның өзекті тақырыптарын көтерді. Олар еліміздің Тәуелсіздігі мен Сарыарқасы туралы ән айтып, қоғамның өзекті мәселелерін қозғады. Айтыскерлердің суырып салма өлеңдері мерейтой иесіне де арналды.

Шығармашылық жарыс қорытындысы бойынша Қарағанды облысы Жезқазған қаласының тұрғыны Төлеген Жаманов республикалық айтыстың бас жүлдесін жеңіп алды.

Батыс Қазақстан облысынан келген Жансая Мусина бірінші орынға ие болды. Екінші орынды үш ақын бөлісті – олар Еркебұлан Қайназар (Нұр-Сұлтан қ.), Айтбай Жұмағұлов (Қарағанды облысы) және Қалижан Білдашев (Шымкент қаласы).

Үшінші орынға бес айтыскер ие болды: Әсем Ереже (ШҚО), Бауыржан Ширмединұлы (БҚО), Шалқарбай Ізбасаров (Атырау облысы) және қарағандылықтар Тілеген Әділет және Өміржан Көпбосынов.







Сондай-ақ атаулы сыйлықтар берілді. Доскей Әлімбай атындағы арнайы жүлдені қызылордалық Мұхтар Ниязов, Нарманбет Орманбетұлы атындағы сыйлықты Павлодардан келген Рауан Қайдаров, Көшен Елеу атындағы сыйлықты Павлодардан келген Аспанбек Шұғатаев иеленді. Алматыдан келген Қазан Бердіхан Қасым Аманжолов атындағы арнайы сыйлыққа, Ақтөбеден келген Марат Ахметов Шашубай Қошқарбайұлы атындағы сыйлыққа және Түркістаннан келген Бекарыс Шойбеков – Жүрсін Ерман атындағы сыйлыққа ие болды.

Барлық ақындарға дипломдар мен ақшалай сертификаттар табыс етілді.





Жоғары қарай