Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қарағанды облысында жол апатынан үш адам қаза тапты

2021 жылдың 11 қазан 2021 22:18

ҚАРАҒАНДЫ. ҚазАқпарат - Қарағанды облысының Абай-Шахтинск тас жолында жол апаты орын алды. Апат салдарынан екі 18 жастағы жігіт және 52 жастағы әйел көз жұмды, деп хабарлайды ҚазАқпарат тілшісі.

11 қазан сағат 14.00 шамасында Абай-Шахтинск автожолында «Лада Приора» автокөлігінің 19 жастағы жүргізушісі қарсы қозғалыс жолағына шығып, 59 жастағы жүргізушінің басқаруындағы «Нива-21213» автокөлігімен соқтығысқан. Алдын ала мәліметтер бойынша, жігіт рөлге ие бола алмай қалған.

Жол-көлік оқиғасы салдарынан апат орнында «Лада Приора» автокөлігінің 18 жастағы жолаушысы мен «Нива-21213» автокөлігінің 52 жастағы жолаушысы қаза тапты. Тағы бір жас жолаушы ауруханада көз жұмды.

«Медициналық мекемеге «Лада Приора» автокөлігінің жүргізушілері мен екі жолаушысы жеткізілді. «Лада Приора» автокөлігінің 18 жастағы жолаушысы есінен танып, ауруханада қайтыс болды.

Аталған факті бойынша ҚР ҚК 345-бабы 4-бөлігі бойынша қылмыстық іс тіркелді. Тиісті сараптамалар тағайындалды, олардың нәтижелері бойынша процессуалдық шешім қабылданатын болады», - деп хабарлады Қарағанды облысы ПД баспасөз қызметі.


Жоғары қарай