Ауа райы
Астана 23 °С
Алматы 31 °С
валюта бағамы
USD 412.55
EUR 468.66
RUB 5.79
CNY 58.80

Қарағанды хайуанаттар бағында пони құлындады

2020 жылдың 10 сәуір 2020 13:21

ҚАРАҒАНДЫ. ҚазАқпарат – Қарағанды хайуанаттар бағында пони құлындады. Бұл 9 сәуірде болған, деп хабарлайды ҚазАқпарат тілшісі.

Жаңа туған құлын және оның анасының жағдайы жақсы. Кішкентай понидің 9,5 келі, бойы - 57 см.

«Бұл біздің хайуанаттар бағындағы понидің 8 жылдағы алғашқы төлі. Құлынның енесінің аты - Зухра. Біз оны өткен жылы бір адамнан сатып алдық. Ал әкесінің аты Барамок. Ол 2009 жылы біздің хайуанаттар бағында дүниеге келген. Жаңа туған құлын және оның анасының жағдайы жақсы. Пони аяққа тұрып жатыр, бірақ анасынан бір қадамға алыстамайды», - дейді хайуанаттар бағы директорының міндетін атқарушы Гүлнәр Адамбекова.








Жас құлын тек анасының сүтімен қоректенеді, ал оның анасына ерекше жем беріледі.

Қарағанды хайуанаттар бағында барлығы 6 пони және 20 жылқы бар. Жақын арада тағы екеуі құлындайды.

Қарағанды хайуанаттар бағы пониге ат беру үшін онлайн байқау жариялайды. Ол 1 мамырға дейін жалғасады. Жеңімпаз хайуанаттар бағына тегін кіру билетін және жұмсақ ойыншық пони алады. Instagram -дағы парақшада хайуанаттар бағының жаңалығын оқуға, байқау шарттымен танысуға болады.





Жоғары қарай