Ауа райы
Астана 22 °С
Алматы 21 °С
валюта бағамы
USD 405.69
EUR 455.51
RUB 5.72
CNY 57.42

Камерунда көшкін салдарынан 42 адам мерт болды

2019 жылдың 30 қазан 2019 17:11

НҰР-СҰЛТАН. ҚазАқпарат – Камерунның батысында толассыз жауған жаңбыр мен су тасқынына байланысты көшкін жүріп, салдарынан 42 адам қаза тапты. Бұл туралы сәрсенбі күні Reuters агенттігі жергілікті баспасөзге сілтеме жасап хабарлады.

«Лай ағыны мен қираған ғимараттардың үйінділерінен 42 адамның денесі табылды. Олардың 26-сы балалар», - деп хабарлады CRTV жергілікті телеарнасы.

Батыс өңірдің губернаторы Фонка Ава Августин атап өткендей, су тасқынынан болған сырғыма Бамунгум ауылында орын алған. Оның айтуынша, 20 шақты үй қираған.

Камерун билігі апат болған аумаққа құтқарушылар мен әскери құрылымдарды жіберген, олар тұрғындарға көмек көрсетіп жатыр. Батыс өңірге Орталықсыздандыру және жергілікті басқару министрі Эланга Обам Жорж барды.

Басты сөздер: Әлем, Оқиға,
Жоғары қарай