Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Ираннан көшіп келген қандастар солтүстік өңірге қоныстандырылады

2021 жылдың 22 қыркүйек 2021 10:12

НҰР-СҰЛТАН. ҚазАқпарат - Иран Ислам Республикасынан көліп келген 53 қандасымыз Солтүстік Қазақстан облысына қоныстандырылады. Бұл туралы ҚазАқпарат Отандастар қорына сілтеме жасап хабарлайды.

«Иранннан келген қандастарымызға Нұр-Сұлтан қаласының көрікті жерлеріне экскурсия өткізіліп, арнайы ас берілді. Енді Ираннан келген қандастар мемлекет ұсынатын өңірлік квота аясында Солтүстік Қазақстан облысына қоныстанады» делінген Қордың таратқан ақпаратында.

Бұған дейін 14 қыркүйекте Қазақстанға қоныс аударушылардың алғашқы легі келген еді. Барлық 13 адам (3 отбасы) Солтүстік Қазақстан облысына орналастырылды.

Аталмыш көш ҚР Сыртқы істер министрлігі, Еліміздің Ирандағы Елшілігі және Горган қаласындағы Бас консулдығы мен Дүниежүзі қазақтарының қауымдастығы және «Отандастар Қоры» КЕАҚ ұйымдастыруымен, Маңғыстау және Солтүстік Қазақстан облыстары әкімдіктерінің қолдауымен жүзеге асырылуда.


Жоғары қарай