Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Хоккей: «Барыс» «Авангардтан» басым түсті

2021 жылдың 6 қазан 2021 21:56

НҰР-СҰЛТАН. ҚазАқпарат - «Барыс» бүгін Құрлықтық хоккей лигасындағы кезекті ойынын елордада Ресейдің «Авангард» (Омбы) командасымен өткізді, деп хабарлайды ҚазАқпарат тілшісі.

Екі команда биылғы турнирді сәтсіз өткізіп жүр. Қазір турнир кестесінде қатарлас келеді. «Барыс» 13 ойыннан кейін 10 ұпаймен турнир кестесінде 20-орында тұр. Ал «Авангард» 12 ұпаймен 17-орынға жайғасқан.

Кездесу тартысты өтті деуге негіз бар. Десе де командалар алғашқы екі кезеңде бір-бірінің қақпасынан саңылау таба алған жоқ.

Үшінші кезеңде де ойын барысы солай өрбіп жатты. Ойынныңі бітуіне бес минут қалғанша таблодағы есеп өзгеріссіз тұрды. Қазақстандық хоккейші Никита Михайлис 54-минутта көздеген нысанадан мүлт кеткен жоқ.

Кездесуде «Барыс» қарсыласынан 1:0 есебімен басым түсті.

Еске салсақ, бұдан бұрын «Барыс» Ресейде «Локомотивке» жол берді.

Айта кетерлігі, биылғы кезеңдегі 13 ойынның небәрі 4-де жеңіске жеткен еді.

Енді «Барыс» 8 қазанда елордада Ресейдің СКА (Санкт-Петербург) командасын қабылдайды.


Фото:hcbarys.kz

Автор Әділжан Үмбет
Басты сөздер: Спорт,
Жоғары қарай