Ауа райы
Астана 22 °С
Алматы 24 °С
валюта бағамы
USD 409.19
EUR 461.24
RUB 5.67
CNY 58.26

Халық ақпарат көздерінен елдегі жағдайды біліп отыруы керек  - Ғалымжан Елшібай

2020 жылдың 23 наурыз 2020 16:08

НҰР-СҰЛТАН. ҚазАқпарат - ҚР Журналистер одағы Түркістан облыстық филиалының төрағасы Ғалымжан Елшібай әріптестерін шынайы, шын ақпараттарды ғана таратуға шақырды, дп хабарлайды ҚазАқпарат.

Ғалымжан Елшібай ҚР Президенті Қасым-Жомарт Тоқаев еліміздегі төтенше жағдайға байланысты өткен мемлекеттік комиссия отырысында бірқатар өзекті мәселелер жөнінде мәлімдеме жасағанын, соның бірі - еліміздегі ақпараттық қауіпсіздікті қамтамасыз ету болғанын атап өтті. Бұл ретте мемлекет басшысы БАҚ өкілдерін ел ішін дүрліктірмейтін нақты әрі шынайы ақпарат таратуға шақырды.

«Сондай-ақ, 23 наурыздан бастап, еліміздің ақпарат және коммуникациялар министрлігіне күн сайын брифинг ұйымдастырып отыруды тапсырды. Бұл өте дұрыс шешім. Өйткені, қазақ халқы қазір үрейлі жағдайда, ресми ақпарат көздерінен елдегі шынайы жағдаймен танысып отыруы керек. Мемлекет нендей шараларды қолға алды? Індеттен сақтану, алдын алу, күресу бағытында атқарылып жатқан жұмыстармен таныс болып отыруы тиіс», - деді ҚР Журналистер одағы Түркістан облыстық филиалының төрағасы.

Сөз соңында Ғалымжан Елшібай өз әріптестерін шынайы ақпараттарды ғана таратуға шақырды.

«Сондықтан өз әріптестерімді ақпарат ағынында дәлел-дәйекті әрі шынайы,шын ақпараттарды ғана таратуға шақырған болар едім», - деді ол.


Автор Ербол Жанат
Басты сөздер: Түркістан облысы, БАҚ, Қоғам,
Жоғары қарай