Ауа райы
Астана 24 °С
Алматы 34 °С
валюта бағамы
USD 402.37
EUR 449.81
RUB 5.86
CNY 56.67

«Grand Slam» турнирі: Бүгін қазақстандық үш балуан белдесуге шығады

2020 жылдың 21 ақпан 2020 10:40

НҰР-СҰЛТАН. ҚазАқпарат - Бүгін Германияның Дюссельдорф қаласында дзюдодан әлемдік «Grand Slam» бәсекесі басталады, деп хабарлайды ҚазАқпарат тілшісі.

Ерлер мен әйелдер арасында өтетін әлемдік рейтингтік турнирге Қазақстан сапынан 17 татами шебері қатысады.

Бүгін, яғни жарыстың алғашқы күні дзюдошылар арасында ерлерден 60 және 66 келі салмақтағы балуандар өзара мықтыны анықтаса, әйелдерден 48, 52 және 57 келіге дейінгі салмақтағы балуандар сынға түседі.

Қазақстандық татами шеберлерінен бүгін ерлер арасында 60 келі салмақта Дәурен Сүйеукенов пен 66 келіде Ерлан Серікжанов ел намысын қорғамақ. Ал әйелдерден 52 келі салмақта Анна Казюлина татамиге шығады.

Естеріңізге сала кетейік, осыған дейін аталған «Grand Slam» додасында сынға түсетін қазақстандық татами шеберлерінің есімдерін жариялаған болатынбыз.

Жарыс 23 ақпанда мәресіне жетеді.


Автор Күнсұлтан Отарбай
Басты сөздер: Спорт, Қоғам,
Жоғары қарай