Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Гандболдан Азия чемпионаты: Қазақстан қыздары жартылай финалда Жапониямен кездеседі

2021 жылдың 22 қыркүйек 2021 12:17

НҰР-СҰЛТАН. ҚазАқпарат - Гандболдан әйелдер арасындағы Азия чемпионатының жартылай финалында Қазақстан құрамасы Жапониямен кездеседі, деп хабарлайды ҚазАқпарат тілшісі.

Еске салсақ, қазақстандық қыздар А тобында сынға түсті. Алдымен Сингапурден 33:18, Гонконгті 31:29, Өзбекстанды 31:28 есебімен жеңсе, Оңтүстік Кореяға 20:40 есебімен жол берді. Осылайша өзінің тобында екінші орын алды.

Ал В тобында Жапония бірінші орын алса, Иран екінші орынға тұрақтады.

Енді жартылай финалда 23 қыркүйекте Жапония мен Қазақстан, Иран мен Оңтүстік Корея шеберлік байқасады. Жеңімпаз құрамалар 25 қыркүйекте финалда кездессе шықса, жеңілгені сол күні 3-орын үшін тартысқа түседі.

Айта кетсек, құрлықтық дода 1987 жылдан бері тұрақты түрде өткізіліп келеді.

Бұған дейін Оңтүстік Корея 14 мәрте чемпион атанды. Ал Қазақстан құрамасы 2002 және 2010 жылдары екі мәрте жеңімпаз тұғырынан көрінді. Ал Жапония бір мәрте алтыннан алқа тақты.


Автор Әділжан Үмбет
Басты сөздер: Спорт,
Жоғары қарай