Ауа райы
Астана 24 °С
Алматы 26 °С
валюта бағамы
USD 409.19
EUR 461.24
RUB 5.67
CNY 58.26

Футзалдан ҚР құрамасы мен бас бапкер әлемдегі үздік номинанттардың тізіміне енді

2020 жылдың 22 наурыз 2020 22:54

НҰР-СҰЛТАН. ҚазАқпарат – Футзалдан Қазақстан ұлттық құрамасының бас бапкері Кака, команда ойыншылары Игита мен Тайнан 2019 жылғы Futsalplanet Awards нұсқасы бойынша футзалдан әлемнің үздіктері номинанттарының қатарына кірді.

Бұл туралы ҚазАқпарат тілшісі Ұлттық Олимпиада комитетіне сілтеме жасап хабарлайды.

Қазақстан ұлттық құрамасының бас бапкері әрі «Қайрат» футзал командасын басқаратын Кака «2019 жылдың үздік клуб бапкері» атағы бойынша номинанттар тізіміне енген. Оған клуб командаларына жұмыс істейтін 9 маман бәсекелес болып отыр.

2018 жылы Кака испандық «Интер Мовистар» командасындағы әріптесі Хесусу Веласкоға жол беріп аталған номинацияда екінші орын алған еді.

Қазақстан құрамасының қақпашысы «2019 жылғы әлемнің үздік голкипері» атағынан үмітті. 26 жастағы шабуылдаушы Тайнан болса әлемнің үздік ойыншысы атағын жеңіп алуы мүмкін.

Еске сала кетейік 34 жастағы Игита бұл номинацияны үш мәрте (2015, 2016 және 2018 жылдары) жеңіп алған болатын. Тайнан болса бұл тізімге бірінші рет еніп отыр. Futsalplanet Awards номинацияларының жеңімпаздары 2020 жылдың 26 наурызында жарияланады.

Перевод Аян Бекенұлы
Басты сөздер: Қоғам, Спорт,
Жоғары қарай