Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Футзалдан Чемпиондар лигасы: «Қайрат» жарыстың келесі сатысына шықты

2021 жылдың 31 қазан 2021 00:08

НҰР-СҰЛТАН. ҚазАқпарат - Бүгін футзалдан UEFA Чемпиондар лигасы негізгі сатысында «Қайрат» және «Атырау» екінші ойындарын өткізді, деп хабарлайды ҚазАқпарат тілшісі.

Алматылық «Қайрат» үшінші ойында Италияның «Пезаро» командасымен кездесті.

Ойынның 7-минутында Италия клубынан Фелипе Тонидандел есеп ашты. Оған 17-минутта Дәурен Тұрсағұлов бір голмен жауап қайырса, ол 27-минутта екінші мәрте қақпаны дәл көздеді.

Ал 34-минутта италиялық клубтан Адольфо Салас мергендік танытса, көп ұзамай Диего Фаверо қайтадан «Қайратты» алға шығарды.

Осылайша «Қайрат» қарсыласын 3:2 есебімен жеңіп, төртінші топта бірінші орын алды. Одан кейінгі орындардағы «Пльзень» және «Тюмень» де жарыстың келесі сатысында сынға түседі.

Бұдан бұрын алматылық ұжым Чехияның «Пльзень» және Ресейдің «Тюмень» командаларымен 3:3 есебімен тең ойнады.

Сондай-ақ, бүгін екінші топта сынға түскен қазақстандық «Атырау» Францияның Аньер Вильнев 92» командасына 0:6 есебімен жол берді. Атыраулық футзалшылар бұдан бұрын Словенияның «Добовеціне» 1:2, Португалияның «Спортинг» клубына 1:8 есебімен жол берді.

Өз тобында төртінші орынды місе тұтқан «Атырау» жарыс жолынан шығып қалды.

Автор Әділжан Үмбет
Басты сөздер: Футбол, Спорт,
Жоғары қарай