Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Футболдан Қазақстан чемпионаты: «Ақжайық» пен «Тұран» тең тарқасты

2021 жылдың 16 қазан 2021 17:20

ОРАЛ. ҚазАқпарат - Футболдан Қазақстан чемпионатының 24-турында Оралдың «Ақжайығы» өз алаңында Түркістанның «Тұран» командасын қабылдады, деп хабарлайды ҚазАқпарат тілшісі.

Бұған дейін оралдықтар қатарынан бес ойында жеңіске жетпеген еді. Ал түркістандықтар төрт тур бойы жеңілмей келе жатқан-ды.

Бірінші таймда 30-минутта «Ақжайық» құрамындағы ресейлік Михаил Гащенков әдемі гол соғып, командасын алға шығарды. Алайда екінші таймда қонақтардан ресейлік Павел Деобальд 73-минутта таразы басын теңестіріп кетті - 1:1.




Оралдықтар 31 ұпаймен турнир кестесінде алтыншы орынға көтерілді. 25 ұпайы бар «Тұран» 12-орында келеді.

«Ақжайық» келесі кездесуін 24 қазанда Ақтауда «Каспиймен» өткізеді. Ал түркістандықтар өз алаңында «Ақтөбені» қабылдайды.

Еске сала кетейік, бұдан бұрын «Ақжайық» пен «Қайсардың» тең ойнағанын жазған болатынбыз.










Суреттер - Айбатыр Нұраш.
Автор Елжан Ералы
Басты сөздер: Спорт,
Жоғары қарай