Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Футболдан Қазақстан біріншілігі: «Ақтөбе» мен «Қызылжар» тең түсті

2021 жылдың 22 маусым 2021 23:21

НҰР-СҰЛТАН. ҚазАқпарат - Бүгін футболдан Премьер-лига командалары арасындағы ел біріншілігінің он жетінші турының алғашқы ойын күні аяқталды, деп хабарлайды ҚазАқпарат тілшісі.

Еске салсақ, бұған дейін аталған турдағы екі ойын нәтижесі белгілі болды. Елордада «Астана» Шымкенттің «Ордабасы» клубынан 0:2 есебімен жеңілсе, одан кейін Оралда «Ақжайық» пен Қарағандының «Шахтері» 1:1 есебімен тең түсті .

Үшінші ойында «Ақтөбе» өз алаңында Петропавлдың «Қызылжар» командасын қабылдады. Аталған кездесуде алдымен петропавлдық командадан Дарко Зорич 68-минутта есеп ашса, одан кейін 81-минутта ақтөбелік Юрий Логвиненко таразы басын теңестірді. Кездесу 1:1 есебімен тең аяқталды.

Айта кетейік, аталған турдағы қалған төрт ойын 23 маусымда өткізіледі. Бұл күні «Жетісу» (Талдықорған) мен «Атырау», «Қайрат» (Алматы) мен «Каспий» (Ақтау), «Тараз» бен «Тұран» (Түркістан), «Қайсар» (Қызылорда) мен «Тобыл» (Қостанай) шеберлік байқасады.

Автор Әділжан Үмбет
Басты сөздер: Спорт,
Жоғары қарай