Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Футболдан Еуропа чемпионаты: Италия топтық кезеңде ұпай жоғалтқан жоқ

2021 жылдың 21 маусым 2021 02:00

НҰР-СҰЛТАН. ҚазАқпарат - Футболдан Еуропа чемпионатының финалдық сатысының топтық кезеңі үшінші турында Италия мен Уэльс кездесті, деп хабарлайды ҚазАқпарат тілшісі.

Еске салсақ, аталған екі құрама А тобында сынға түседі. Қарсыластары – Швейцария мен Түркия.

Алғашқы екі турда Италия құрамасы Түркия мен Швейцарияны 3:0 есебімен жеңді.

Ал Уэльс Швейцариямен 1:1 есебімен тең түссе, Түркиядан 2:0 есебімен басым түсті.

Бүгінгі ойында италиялық футболшылардың басымдығы байқалып тұрды. Нәтижесінде Маттео Пессина 39-минутта есеп ашты.

Ойында Италия қарсыласын 1:0 есебімен жеңді. Олар топтық кезеңде ұпай жоғалтқан жоқ.

Италия мен Уэльс те жарысты жалғастыруға мүмкіндік алды.

Енді 1/8 финал ойындары 26-29 маусым күндері өткізіледі.

Ойындар дүбірлі дода тарихында тұңғыш рет Еуропаның 10 мемлекетінде орналасқан 11 стадионда өтуде. Бұл Еуропа чемпионатының 60 жылдық мерейтойына орай ұйымдастырылған.

Футболдан Еуропа чемпионаты 11 маусымда басталды, 11 шілдеде мәресіне жетеді.


Автор Әділжан Үмбет
Басты сөздер: Спорт,
Жоғары қарай