Ауа райы
Астана -13 °С
Алматы -1 °С
валюта бағамы
USD 421.58
EUR 496.83
RUB 5.53
CNY 62.20

Футбол: Зайнутдинов ЦСКА клубының үздік ойыншысы атанды

2020 жылдың 16 қазан 2020 10:32

НҰР-СҰЛТАН. ҚазАқпарат – Қазақстандық Бактиер Зайнутдинов қыркүйек айының қорытындысы бойынша мәскеулік ЦСКА клубының үздік ойыншысы атанды, деп хабарлайды ҚазАқпарат тілшісі.

ЦСКА футбол клубы мәлім еткеніндей, ол өткен айда команданың барлық үш ойынына қатысқан.

Клубтың ресми сайтында жанкүйерлер арасында өткен дауыс беру нәтижесінде Қазақстан ұлттық құрамасының ойыншысы Б.Зайнутдинов үздік шықты. Ол дауыстың 37 пайызын жинады. Хорватиялық Никола Влашич екінші (23 пайыз), қақпашы Игорь Акинфеев үшінші (18 пайыз) орында.

Дауыс беруге барлығы 12544 адам қатысты.

Ресей премьер-лигасында 19 ұпаймен үшінші орында келе жатқан ЦСКА кезекті ойынын 18 қазан күні «Динамо» (Мәскеу) командасымен өткізеді. Ал 22 қазанда Еуропа лигасының К тобында Аустрияда «Вольфсберг» клубымен алаңға шығады.

Еске сала кетейік, бұдан бұрын Б.Зайнутдиновтың ЦСКА сапындағы алғашқы голын соққанын жазған болатынбыз.


Автор Елжан Ералы
Басты сөздер: Спорт, Ресей,
Жоғары қарай