Ауа райы
Астана 20 °С
Алматы 17 °С
валюта бағамы
USD 412.55
EUR 468.66
RUB 5.79
CNY 58.80

Еуроодақ АҚШ-тың еуропалықтардың келуіне тыйым салу туралы шешімін айыптады

2020 жылдың 12 наурыз 2020 18:15

БРЮССЕЛЬ. ҚазАқпарат – Еуропалық кеңестің президенті Шарль Мишель мен Еурокомиссия басшысы Урсула фон дер Ляйен Америка президенті Дональд Трамптың коронавирус індетіне байланысты Еуропадан келушілерге АҚШ-қа кіруге тыйым салу туралы шешімін айыптады. Бұл туралы ҚазАқпараттың меншікті тілшісі хабарлайды.

«Коронавирус – бұл жаһандық дағдарыс, ол қандай да бір континентпен шектелмейді және біржақты әрекеттерді емес, ынтымақтастықты талап етеді», - делінген бейсенбі күні таратылған бірлескен мәлімдемеде .

«Еуропалық одақ елге кіруге тыйым салуды енгізу туралы АҚШ- тың шешімі біржақты тәртіпте және кеңеспей қабылданғанын мақұлдамайды», - деп атап өтті Мишель мен фон дер Ляйен.

Алайда олар «Еуропалық одақ вирустың таралуын шектеу үшін батыл шараларды қабылдауда» деп сендірді.

Еске сала кетейік, бұған дейін АҚШ президенті Дональд Трамп коронавирустың таралуына жол бермеу үшін Құрама Штаттардың Еуропамен арадағы кез келген қатынасы, сонымен бірге теңіз және әуе тасымалының 30 күнге жабылатынын жариялаған болатын.

Авторы: Тимур Дүйсекеев


Басты сөздер: АҚШ, Еуропа, Коронавирус,
Жоғары қарай