Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Ерлан Қарин Қазақстан саясаттанушыларының Х Конгресіне қатысты

2022 жылдың 20 мамыр 2022 13:51

НҰР-СҰЛТАН. ҚазАқпарат - Мемлекеттік хатшы Ерлан Қарин Алматы қаласында өткен саясаттанушылардың «Жаңа әлемдегі Жаңа Қазақстан» атты Х Конгресіне қатысып, еліміз бен әлемде болып жатқан процестердің барлығын терең сараптаудың маңызды екенін атап өтті, деп хабарлайды ҚазАқпарат Ақордаға сілтеме жасап.

Ерлан Қариннің айтуынша, оқиғалар мен құбылыстарға сапалы сараптама жасау үшін оның сан алуан себебін ескере отырып, жан-жақты зерттеу керек. Сонымен қатар, сарапшылардың талқылаулары мен пікір алмасуларын ұйымдастырған жөн.

Мемлекеттік хатшы Жаңа Қазақстан туралы пікірталасты әлемдік саяси және экономикалық дамудың негізгі үрдістерді ескере жасау қажет екенін айтты.

Президенттің елімізді саяси жаңғырту тұрғысындағы бастамалары жайында сөз қозғап, конституциялық реформа мен алдағы референдумның мәні мен маңызына ерекше тоқталды.

Мемлекеттік хатшының пікірінше, конституциялық реформалардың нәтижесінде суперпрезиденттік басқару үлгісінен президенттік республикаға көшуге, бірқатар билік өкілеттіліктерін қайта бөлуге, Парламенттің рөлі мен мәртебесін күшейтуге, елді басқару ісіне халықтың араласуын арттыруға, азаматтардың Ата заңмен белгіленген құқықтарының механизмін жетілдіруге қол жеткіземіз.

Айта кетейік, басқосуға белгілі сарапшылар, саясаттанушылар, әлеуметтанушылар, тарихшылар мен гуманитарлық саланың өзге де өкілдері қатысты.


Жоғары қарай