Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Ерік Сұлтанов: Президент тапсырмалары еліміздің қауіпсіздігін қамтамасыз етуге бағытталған

2022 жылдың 6 қаңтар 2022 21:51

НҰР-СҰЛТАН. ҚазАқпарат – Сенат депутаты Ерік Сұлтанов Президент Қасым-Жомарт Тоқаевтың әлеуметтік-экономикалық ахуалды тұрақтандыруға берген тапсырмаларына қолдау білдірді, деп хабарлайды ҚазАқпарат тілшісі.

«Мемлекет басшысы Қасым-Жомарт Кемелұлы Тоқаевтың шешімдерін толығымен қолдаймын. Бұл қадамдар еліміздің, халқымыздың қауіпсіздігін қамтамасыз етуге бағытталған. Сондықтан Президенттің шешімі аясында 180 күнге жанар-жағармай, газдың бағасын реттеу де дұрыс қадам», - деді сенатор.

Еске сала кетейік, биыл 5 қаңтарда Мемлекет басшысы Қасым-Жомарт Тоқаев еліміздегі әлеуметтік-экономикалық жағдайға қатысты кеңес өткізді.

Осы орайда мұнай өнімдерінің (бензин, дизель, сұйытылған газ) бағасына мемлекеттік реттеуді 180 күнге енгізу ескерілді.

Өз кезегінде Үкімет әлеуметтік-экономикалық жағдайды тұрақтандыру үшін жедел іс-шараларды қабылдады.

ҚР Премьер-Министрі ресми сайтының мәліметінше, Қазақстан аумағында АЖС-да автокөліктерге арналған сұйытылған мұнай газының бөлшек саудасына 180 күнге шекті бағалар белгіленді.

Сонымен қатар, бензиннің қосымша құн салығын есепке ала отырып бөлшек саудасына келесідей шекті бағалар белгіленді:

АИ-80 маркалы – литріне 89 теңге;

АИ-92 маркалы – литріне 182 теңге;

АИ-93 маркалы – литріне 182 теңге;

АИ-95 маркалы – литріне 215 теңге.


Жоғары қарай