Ауа райы
Астана -10 °С
Алматы 5 °С
валюта бағамы
USD 388.49
EUR 427.26
RUB 6.06
CNY 55.32

Ералы Тоғжанов Жаңаөзен халқын Амал мерекесімен құттықтады

2019 жылдың 14 наурыз 2019 18:01

ЖАҢАӨЗЕН. ҚазАқпарат - Бүгін Амал мерекесі күні Жаңаөзен қаласына Маңғыстау облысының әкімі Ералы Тоғжанов жұмыс сапарымен келді, деп хабарлайды ҚазАқпарат облыс әкімдігінің баспасөз қызметіне сілтеме жасап.

Облыс басшысы алдымен көпбалалы аналар Зылиха Шілдибаева, Нәсима Торбай, Сәуле Тағалбаева және Мария Амиданова атты аналардың үйлеріне арнайы барып, оларды мерекемен құттықтап, сый-сыяпат жасады.

«Алтын алқа» мемлекеттік наградасының иегері Сәуле Тағалбаева, «Күміс алқа» иегері Нәсима Торбай Мемлекет басшысына көпбалалы аналарды қорғау мақсатында қолға алынған жатқан игі істерге ризашылығын білдірді.




null

Одан кейін облыс басшысы «Мұнайшы» мәдениет үйінің алдына келіп, қала, ауыл тұрғындарын береке мен бірліктің мейрамы болып есептелетін Амал мерекесімен құттықтады.




null

«Мұнайшы» мәдениет үйінің шығармашылық ұжымы тұрғындарға «Амал келді - Жыл келді» атты мерекелік концерттік бағдарламаны ұсынды.




null

Қаладағы еңбек ұжымдары арнайы 20 ақ киіз үй тігіп, тұрғындарға қазақ халқының ұлттық дәстүрлі тағамдарын ұсынды. Жастар жағы қазақ күресі, дойбы спорттық жарыстарына белсенділік танытып қатысуда, ал, қыздар бен жігіттер ән шырқап, алтыбақан тепті.




null

Жалпы, мерекелік шараға жиналған қала тұрғындарының көңіл-күйі көтеріңкі. «Бұл ауызбіршіліктің үлгісі деп білеміз», дейді жаңаөзендіктер.




null

Жоғары қарай