Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Еңбек қабілетінен айрылған 14,7 мың азаматқа 15,5 млрд теңге төленді

2021 жылдың 15 маусым 2021 13:13

НҰР-СҰЛТАН. ҚазАқпарат – 2020 жылы еңбек қабілетінен айрылған 14,7 мың азаматқа 15,5 млрд теңге әлеуметтік қолдау көрсетілді.

Бұл туралы ҚР Үкіметінің отырысында Еңбек және халықты әлеуметтік қорғау министрі Серік Шәпкенов айтып берді, деп хабарлайды ҚазАқпарат тілшісі.

«2020 жылдың нәтижесі бойынша кәсіптік еңбек қабілетінен айрылған 14,7 мың азаматқа 15,5 млрд теңге мөлшерінде әлеуметтік қолдау көрсетілді.

Олардың ішінде 10 мыңға жуығына бюджет есебінен мемлекеттік жәрдемақы мен сақтандыру қорынан төлем берілді, ал 6 мыңға жуық азамат сонымен қоса Мемлекеттік сақтандыру қорынан әлеуметтік төлемдер алды.

46% азаматтың кәсіптік еңбек ету қабілетінен айрылу деңгейі 30 бен 59 пайыздың арасын құрайды. Олардың көпшілігі жеңіл жұмысқа ауысты», - деді Серік Шәпкенов бүгінгі Үкімет отырысында.

Оның айтуынша, соңғы 3 жылда еңбек ету қабілетінен айрылған жұмыскерлердің үлесі төмендеді.

Бұған дейін Еңбек министрі жыл басынан бері ел өндірістерінде жазатайым оқиғадан 564 адам зардап шеккенін айтқан еді.



Жоғары қарай