Ауа райы
Астана 16 °С
Алматы 16 °С
валюта бағамы
USD 405.69
EUR 455.51
RUB 5.72
CNY 57.42

Елордаға қанша дәрігер жетіспейді

2019 жылдың 22 қазан 2019 15:38

НҰР-СҰЛТАН. ҚазАқпарат – Елордадағы медициналық ұйымдарды кадрлармен қамтамасыз ету көрсеткіші 80,5 пайызды құрады. Бұл туралы Нұр-Сұлтан қалалық қоғамдық денсаулық сақтау басқармасының басшысы Сәуле Қисықова айтты, деп хабарлайды ҚазАқпарат тілшісі.

«Міндетті әлеуметтік медициналық сақтандыру жүйесіне дайындық жұмыстарының бірі – қала емханаларын кадрлармен қамтамасыз ету. 2019 жылдың 9 айының қорытындысы бойынша, астанадағы медициналық ұйымдардың кадрлармен қамтылуы 80,5 пайызды құрады. Дәрігерлік кадрлар жетіспеушілігі - 277 адам. Жалпы практика дәрігерлері бойынша 59 маман жетіспейді. Әрбір дәрігер үшін негізі жүктеме – 1700 адамнан келуі тиіс. Бұл – Денсаулық сақтау министрлігінің талабы, бүгінгі норматив», - деді Сәуле Қисықова қоғамдық кеңес отырысында.

Басқарма басшысының айтуына қарағанда, елордадағы негізгі емханаларда дәрігер мамандармен қамтылған.

«Бұл бағытта жұмыс жүргізіліп жатыр. Сонымен бірге, 1 қазандағы жағдай бойынша қаладағы денсаулық сақтау ұйымдарында медициналық техникамен қамтамасыз ету көрсеткіші 88 пайызды, ал техниканың ескіруі – 47 пайыз. Десе де, жыл соңына дейін бұл көрсеткіш өзгеруі тиіс, себебі, жақында қала емханалар жаңа медициналық құрал-жабдықтармен қамтылады», - деді ол.
Жоғары қарай