Ауа райы
Астана 25 °С
Алматы 31 °С
валюта бағамы
USD 409.19
EUR 461.24
RUB 5.67
CNY 58.26

Елордадағы жастар сарайының қашан пайдалануға берілетіні белгілі болды

2020 жылдың 4 маусым 2020 14:05

НҰР-СҰЛТАН. ҚазАқпарат – Нұр-Сұлтан қаласындағы күрделі жөндеу жұмысы жүріп жатқан жастар сарайының қашан пайдалануға берілетіні белгілі болды.

Бұл туралы Нұр-Сұлтан қаласы жастар саясаты мәселелері басқармасының басшысы Дәулет Кәрібек ҚазАқпарат тілшісіне берген сұхбат барысында мәлім етті.

«Бүгінде «Жастар сарайында» толықтай қайта жөндеу жұмыстары жүріп жатыр. Себебі ғимаратқа жөндеу жұмыстары соңғы рет 1996 жылы жүргізілген, одан кейін жөндеу көрмеген. Оның ішінде концерттік зал, кітапхана, спортзал және бассейн бар. Жоспар бойынша үстіміздегі жылдың желтоқсан айында жөндеу жұмыстары аяқталып, пайдалануға беріледі деп күтудеміз», - деді Д. Кәрібек.

Сондай-ақ, басқарма басшысы жаңа орталықтың басты қызметіне тоқталып өтті.

«Жөндеу жұмыстарынан кейін жаңа коворкинг елорда жастарының игілігіне беріледі. Оның ішінде балалар мен жастарға арналған үйірмелер, семинар, тренингтер, мәдени және спорттық шаралар ұйымдастырылатын болады», - деді ол.

Еске сала кетсек, аталған ғимаратқа күрделі жөндеу жұмыстары жүргізілетіні туралы өткен жылдың соңында хабарлаған болатынбыз.


Автор Дәулет Ізтілеу
Басты сөздер: Нұр-Сұлтан, Құрылыс,
Жоғары қарай