Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Елордада мас адам бөтелкелесін пышақтады

2021 жылдың 20 мамыр 2021 21:53

НҰР-СҰЛТАН. ҚазАқпарат – Нұр-Сұлтан қаласының «Алматы» аудандық Полиция департаменті полиция басқармасының қызметкерлері денсаулыққа ауыр зиян келтірді деген күдікпен 47 жастағы елорда тұрғынын ұстады, деп хабарлайды ҚазАқпарат Нұр-Сұлтан қаласының ПД баспасөз қызметіне сілтеме жасап.

Баспасөз қызметінің мәліметтеріне қарағанда, қалалық ауруханаға пышақ жарақатын алған елорда тұрғыны жеткізілген.

Істің мән-жайын анықтау барысында екі адамнығ үйде отырып, спирттік ішімдік ішкені анықталды. Артынан олардың арсына жанжал туып, үй иесі бөтелкелесіне бірнеше рет пышақ сұғып алған, содан кейін жедел жәрдем шақырған.

Өздерінің әрекетінің салдарынан қорыққан олар полицияға «үйге кіреберісте бейтаныс біреу пышақ салды» деп айтамыз деп келіскен. Алайда полиция қылмыстық әрекеттің бетін ашты. Ұсталған азамат істеген ісін мойындады.

Ол уақытша ұстау изоляторына қамалды. Аталған факті бойынша қылмыстық іс қозғалды.


Жоғары қарай