Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Елордада көпқабатты тұрғын үйден өрт шықты

2021 жылдың 12 қазан 2021 23:03

НҰР-СҰЛТАН. ҚазАқпарат – Нұр-Сұлтан қаласында тұрғын үй кешенінен өрт шықты, деп хабарлайды ҚазАқпарат қалалық Төтенше жағдайлар департаментінің баспасөз қызметіне сілтеме жасап.

«12 қазан күні сағат 16:35-те елорданың өрт сөндіру қызметінің «101» пультіне Сарыарқа ауданы, Біржан сал көшесі, 6 мекенжайында өрт болғаны туралы хабар келіп түсті. Өрт сөндіру қызметі дереу оқиға орнына шықты. Анықталғандай, тұрғын үй кешенінің 2 қабатындағы пәтер мен ломбард ғимаратынан өрт шыққан», - делінген хабарламада.







ТЖД-нің мәліметінше, тілсіз жау сағат 16:58-де ауыздықталып, сағат 17:05-те толық сөндірілген.

«Өрт сөндірушілер 1 адамды құтқарды, 15 адам эвакуацияланды. Өртпен күреске 8 техника және жеке құрамның 22 өрт сөндірушісі тартылды», - деп хабарланды аталған мекемеден.








Жоғары қарай