Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Елордада көлігін жудыруға келген жүргізуші асханадан смартфон ұрлап кетті

2021 жылдың 13 қыркүйек 2021 02:00

НҰР-СҰЛТАН. ҚазАқпарат- Нұр-Сұлтан полициясы жүргізген жедел іздестіру жұмыстарының барысында елорданың 39 жастағы тұрғыны ұсталды, деп хабарлайды ҚазАқпарат қалалық Полиция департаментінің баспасөз қызметіне сілтеме жасап.

Баспасөз қызметінің хабарлауынша, тергеу барысында күдіктінің Пушкин көшесіндегі көлік жуу орнына келгені және көлігін жуып біткенше, уақыт өткізуді ойлап, жақын маңдағы асханалардың біріне кіргені анықталды. Ал тамағының ақысын төлеп жатқанда күдікті сатушының «Oppo» маркілі телефонын көреді. Телефонды ешкім бақылап тұрмағанына көз жеткізген ол оны ұрлап кеткен.

Ұсталған адамға қатысты қылмыстық іс қозғалды. Күдікті өзінің істегенін мойындады, енді оның қала аймағындағы осыған ұқсас қылмыстарға қатыстылығы анықталып жатыр.

Нұр-Сұлтан қаласының Полиция департаменті тұрғындарға қырағы болып, жұмыс орыындарын қараусыз қалдырмауға кеңес береді.


Жоғары қарай