Ауа райы
Астана 14 °С
Алматы 20 °С
валюта бағамы
USD 412.55
EUR 468.66
RUB 5.79
CNY 58.80

Елордада қазақ тілінен орыс тіліне ілеспе аударма жүргізу курсы өткізіледі

2020 жылдың 19 маусым 2020 16:36

НҰР-СҰЛТАН. ҚазАқпарат – «Тіл-Қазына» орталығы қазақ тілінен орыс, орыс тілінен қазақ тіліне ілеспе аударма жүргізуді үйрету курсын өткізеді, деп хабарлайды ҚазАқпарат тілшісі.

Орталық курсты мемлекеттік тілдің қолданыс аясын кеңейту, ілеспе аудармашылардың біліктілігін арттыру мақсатында ұйымдастырмақ.

«Аудармашы мамандарға аударма теориясы мен практикасы, қазақ тілінің ресми стилі, аударманың лексика – грамматикалық және редакциялау мәселелері аясында оқу-әдістемелік көмек көрсетіледі. Курста аударма теориясы, жазбаша аударма мен ауызша аударманың ерекшеліктері, ілеспе аудармашыға қажетті базалық грамматикалық және фразеологиялық үлгілері, сөздік қорды байыту жұмыстары бойынша дәрістер оқылады. Сонымен қатар, аудармашы мамандарға аударма теориясы мен практикасы, аударматанудың өзекті мәселелері шеңберінде оқу-әдістемелік көмек көрсетіліп, аударма саласындағы ғалым мамандар озық тәжірибесімен бөліседі», - деп хабарлайды орталықтан.

Курсты аудармашы, филология ғылымдарының кандидаты Әлпейісова Камал Әбілқасымқызы жүргізеді. Оған орталық және жергілікті атқарушы органдарының аудармашылары қатысады. Қатысушыларға біліктілік сертификаттары табысталады.

Курс Нұр-Сұлтан қаласының Тұран көшесі 18 мекенжайындағы бизнес орталықта 22-26 маусым аралығында ұйымдастырылады. Күнде таңертең сағат тоғызда басталады.


Автор Аян Бекенұлы
Басты сөздер: Білім, Тіл,
Жоғары қарай