Ауа райы
Астана 18 °С
Алматы 22 °С
валюта бағамы
USD 412.55
EUR 468.66
RUB 5.79
CNY 58.80

Елордада достарын көлігінің жүксалғышына отырғызып қыдыртқан жүргізуші ұсталды

2020 жылдың 2 шілде 2020 11:21

НҰР-СҰЛТАН. ҚазАқпарат – Нұр-Сұлтанда екі досын жүксалғышқа салып қыдыртқан жүргізуші ұсталды, деп хабарлайды ҚазАқпарат Polisia.kz порталына сілтеме жасап.

Instagram әлеуметтік желісінде екі жігіт таң самалымен Нұр-Сұлтандағы Тілендиев көшесінде көліктің жүксалғышына отырып қыдырған видео пайда болды.

Оқиға 19 маусым таңғы 04:03-те болған. «ВАЗ-2115» автокөлігінің жүргізушісі жол қозғалысы ережесін бұзып, екі досын жүксалғышқа отырғызып алған.

Көлік жүргізушісі 28 жастағы елорда тұрғыны болып шықты.

Оған ҚР ӘҚБК «Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау» бабының бірінші тармағы бойынша әкімшілік хаттама толтырылды.

Басқа тәртіп бұзушылар да әкімшілік жауапкершілікке тартылды.




Басты сөздер: Көлік, Оқиға, Нұр-Сұлтан,
Жоғары қарай