Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Елордада БАҚ өкілдері арасында волейболдан турнир өтті

2022 жылдың 6 наурыз 2022 13:14

НҰР-СҰЛТАН. ҚазАқпарат - Спорт шарасы 8 наурыз - Халықаралық әйелдер күніне орайластырылды, деп хабарлайды ҚазАқпарат.

ҚР Индустрия және инфрақұрылымдық даму министрлігі баспасөз қызметі ұйымдастырған «MИИР PRESS CUP - 2022» турниріне республикалық БАҚ-тан 7 әйелдер командасы қатысты: «Qazaqstan» РТРК, «Хабар» агенттігі, «Жетінші арна», «Еуразия бірінші арнасы», «Baq.kz» ақпарат порталы, «Егемен Қазақстан» және «Айқын» газеттері.

Жеребе қорытындысы бойынша командалар екі топқа бөлініп, олардың жеңімпаздары финалда турнир кубогына таласты.

Бас жүлде ақтық сайыста жеңіске жеткен «Qazaqstan» РТРК командасына бұйырды.

Екінші орынды «Жетінші арна» қызметкерлері иеленді. Қола жүлде «Хабар» агенттігінің қоржынында.

Жүлделі төртінші орын «Baq.kz» ақпарат порталының аруларына тапсырылды.

Жарысқа белсенді қатысқан «Еуразия бірінші арнасы» - «Көрермен көзайымы», «Егемен Қазақстан» газеті - «Ең сүйкімді команда», «Айқын» газеті - «Ең сұлу команда» аталымдарын иеленіп, бағалы сыйлықтармен марапатталды.




«Жарыс мақсаты - журналистер арасындағы достықты арттыру, Халықаралық әйелдер мерекесімен құттықтау. Спорттық сайыс болғандықтан салауатты өмір салтын насихаттау. Достық бар жерде-өсу бар, бірлік бар жерде-береке бар. Соны қолдап, бүгін осындай іс-шара өткізіп жатырмыз. Бұл жерде маңыздысы бірінші, екінші орын алу емес, осында келіп қатысу, бас қосып, бір-бірімен танысу. Біздің де ұйымдастырудағы мақсатымыз – сол», - дейді ҚР ИИДМ баспасөз хатшысы Жанжігіт Омархан.

Айта кетерлігі, турнирге Qazaq geophysics және Kazakhmys barlau компаниялары қолдау білдірді.

Ұйымдастыру жұмыстарына BAQ League журналистер лигасы атсалысты.

BAQ League - БАҚ ұжымдары үшін «тимбилдинг». Бұған дейін мини-футболдан тоғыз маусым және волейболдан чемпионат өткізген.

Жалпы алғанда BAQ League маусымдарына Қазақстанның түрлі өңірлерінен 50-ден астам БАҚ-тан 700-ден астам журналист қатысты.








Жоғары қарай