Ауа райы
Астана 16 °С
Алматы 20 °С
валюта бағамы
USD 412.55
EUR 465.73
RUB 5.79
CNY 58.91

Елордада арзандатылған бағамен 8 мыңнан астам пәтер сатылады

2020 жылдың 22 мамыр 2020 18:41

НҰР-СҰЛТАН. ҚазАқпарат - Алтай Көлгінов құрылыс компаниялары басшыларымен кездесті, деп хабарлайды ҚазАқпарат елорда әкімдігінің ресми сайтына сілтеме жасап.

Онлайн-жиналыста алдын ала жобалаудың дайындығы, жеке жобалауды жоспарлау, инженерлік желілер мен жүйелердің орнатылуы және т.б. мәселелер талқыланды. Мемлекет басшысы Қасым-Жомарт Тоқаевтың тапсырмасымен биыл құрылыс көлемі артады. 2020 жылы Нұр-Сұлтан қаласында жеңілдетілген бағамен сатылатын 8 мыңнан астам пәтер салынады (2019 жылы 2900 пәтер пайдалануға берілді).

Жалпы, биыл тұрғын үйдің жалпы көлемі шамамен 3 миллион шаршы метрге жетті. Жыл басынан бері елордада 637 мың шаршы метр пайдалануға берілді.

«Біз бірлесе алдымызға ортақ міндет қойып, жұмыс жасаудамыз. Ол – азаматтарымыз үшін үй салу. Биыл Мемлекет басшысының тапсырмасы бойынша, құрылыс көлемін арттырамыз, жеңілдетілген бағамен берілетін 8 мыңнан астам пәтер саламыз. Мысалы, өткен жылы 2900 әлеуметтік пәтер салынды. Әлеуметтік тұрғын үй кезекте тұрған азаматтарға арналған. Яғни, бұл аз қамтылған азаматтар санаты, «Тұрғын үй құрылыс жинақ банкінің» кезекте тұрған салымшылары. Біз баспанаға кезекті мейлінше жылдамдатуға тырысамыз. Өз тарапымыздан сіздерді қолдауға әзірміз. Бюрократия болмауы керек, қажет болған жағдайда әр құрылыс компаниясымен жеке жұмыс істейміз. Сондай-ақ биыл келесі жылға да жоспар дайындау қажет», - деді елорда әкімі Алтай Көлгінов. Алтай Көлгінов жұмыспен қамту орталығы арқылы жаңа кадрлар алу керектігін де айтты.

«Жұмыспен қамту жол картасы» бағдарламасы бойынша 15 мың жұмыс орны ашылады. Сонымен қатар объектілерде маска кию, қашықтық сақтау, санитарлық тазартқыштар мен дезинфекция құралдарын орнату сияқты қатаң санитарлық ережелерді сақтау қажет.





Басты сөздер: Нұр-Сұлтан, Тұрғын үй, Әкім,
Жоғары қарай