Ауа райы
Астана 23 °С
Алматы 22 °С
валюта бағамы
USD 412.55
EUR 465.73
RUB 5.79
CNY 58.91

Елордада 146 бөтелке антисептик пен 8000 литр спирт қосылған сұйықтық тәркіленді

2020 жылдың 25 наурыз 2020 16:45

НҰР-СҰЛТАН. ҚазАқпарат - Елордада 146 бөтелке антисептикалық зат және 8000 литрден астам құрамында спирт бар сұйықтық тәркіленді, деп хабарлайды ҚазАқпарат Қаржы мониторингі комитетіне сілтеме жасап.

23 наурызда ҚР ҚМ Қаржы мониторингі комитеті Нұр-Сұлтан қаласы бойынша экономикалық тергеу департаментінің қызметкерлері шаһардағы «Алматы» ауданының полиция басқармасы және прокуратурасымен бірлесе отырып, елдегі төтенше жағдайда көлемі 5 литрлік 146 бөтелке антисептикалық затты заңсыз сату фактісін анықтады.

«Тексеріс барысында көлемі 1000 литрлік 10 дана ақ цистерна тәркіленіп алынды, оның ішінде жалпы көлемі 8 210 литр болатын ерекше иісі бар спирт қосылған түссіз сұйықтық болды. Жоғарыда аталған барлық заттар Нұр-Сұлтан қаласы әкімдігінің денсаулық сақтау басқармасына тапсырылды» делінген хабарламада.

Қазіргі таңда тергеу амалдары жүргізілуде.


Жоғары қарай