Ауа райы
Астана -14 °С
Алматы 2 °С
валюта бағамы
USD 421.58
EUR 496.83
RUB 5.53
CNY 62.20

Елорда таксопаркінің жүргізушісінде көлік жүргізу куәлігі болмаған

2020 жылдың 1 желтоқсан 2020 14:10

НҰР-СҰЛТАН. ҚазАқпарат – Нұр-Сұлтанда таксопарк жүргізушісі машинаны көлік жүргізу куәлігінсіз айдаған, деп хабарлайды ҚазАқпарат Polisia.kz сайтына сілтеме жасап.

27 қарашада астаналық такси жүргізушісіне қатысты ҚР Әкімшілік құқық бұзушылық кодексінің 612-бабы 3-бөлігі – «Көлiк құралын басқару құқығынан айырылған жүргiзушiнiң көлiк айдауы» бойынша әкімшілік іс қозғалды. Ол 2018 жылы мас күйінде көлік айдағаны үшін жүргізуші куәлігінен айырылған. «Тoyota Corolla» маркалы автокөлік тұраққа қойылды.

Нұр-Сұлтан қаласы мамандандырылған ауданаралық әкімшілік сотының қаулысымен жүргізушіге 138 900 теңге (50 АЕК) көлемінде әкімшілік айыппұл салынды.

Сонымен бірге, таксопарк басшысы ҚР ӘҚБК 617-бабы 1-бөлігі «Көлiк құралдарының техникалық жағдайына және пайдаланылуына жауапты тұлғалардың, жол жүрісі қауiпсiздiгiн қамтамасыз ету талаптарын орындамауы» бойынша жауапқа тартылды.

Жыл басынан бері Нұр-Сұлтан қаласында көлік құралын пайдалану мен олардың техникалық жай-күйіне жауапты 62 адамға ҚР ӘҚБК 617-бабы бойынша әкімшілік іс қозғалған.


Жоғары қарай