Ауа райы
Астана -7 °С
Алматы 4 °С
валюта бағамы
USD 421.58
EUR 496.83
RUB 5.53
CNY 62.20

Экожурналистика салалық журналистерді даярлау бағыттарының бірі болмақ

2020 жылдың 27 қазан 2020 18:33

НҰР-СҰЛТАН. ҚазАқпарат – Бүгін елордада Аида Балаева ҚР Ақпарат және қоғамдық даму министрлігі, әл-Фараби атындағы Қазақ ұлттық университеті және ҚР Экология, геология және табиғи ресурстар министрлігі арасындағы Өзара түсіністік пен ынтымақтастық туралы меморандумға қол қойды, деп хабарлайды ҚазАқпарат ведомствоның сайтына сілтеме жасап.

Меморандумның мақсаты - экология саласында маманданған салалық журналистерді даярлау. Құжат тараптардың экожурналистерді даярлау мәселесінде ынтымақтастығын көздейді. Тараптардың әрқайсысы өз құзыреті шеңберінде болашақ журналистердің кәсібилігін арттыруға жағдай жасауға ниетті.
Бұл ретте экология мәселелері қоғамда өте өзекті және кеңінен жария етілуде екендігін атап өткен жөн. Тиісінше осы салада тиімді ақпараттық түсіндірме жұмыстарын жүргізуді қажет етеді.
Меморандум аясында бірқатар нақты іс-шаралар өткізілмек, оның ішінде білім беру бағдарламалары жетілдіріледі, студенттердің кәсіби практикалары мен тағылымдамалары ұйымдастырылады, салалық журналистер пулы құрылады.
Нәтижесінде медиа нарықты экология саласында материал іздеуге және мақала дайындауға маманданған білікті журналистермен қамтамасыз ету жоспарланып отыр.
Еске салсақ, қазіргі уақытта министрлік салалық журналистерді даярлау бойынша жұмыс жүргізуде. Бұдан бұрын медицина және дін салаларында маманданған журналистерді даярлау үшін Л. Гумилев атындағы ЕҰУ-мен өзара түсіністік пен ынтымақтастық туралы 2 меморандумға қол қойылған болатын.


Жоғары қарай