Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Егін орағы науқаны: 15 млн гектар орылды

2021 жылдың 24 қыркүйек 2021 13:27

НҰР-СҰЛТАН. ҚазАқпарат – 24 қыркүйектегі жағдай бойынша 15,4 млн гектар (96,8%) жердегі дәнді және дәнді-бұршақты дақыл орылды, деп хабарлайды ҚазАқпарат.

«Орташа өнімділік гектарына 9,6 центнерден айналып, 14,8 млн тонна астық жиналды. Оның 11,6 млн тоннасы бидай. Сондай-ақ 616,7 мың тонна майлы дақыл, 2,9 млн тонна картоп, 4,1 млн тонна көкөніс, 2,6 млн тонна бақша дақылдары жиналды. Астық егетін негізгі аймақтар – Ақмола, Қостанай және Солтүстік Қазақстан облыстарында 11,5 млн гектар егіс алқабы орылды. Бұл жиналуы тиіс жалпы алаңның 98,9%-ы. Орташа өнімділік гектарына 8,8 центнерден айналып, 10 млн тонна астық бастырылды», - делінген Ауыл шаруашылығы министрлігі мәліметінде.

Нақтыланған дерек бойынша, республикада сыйымдылығы 29,3 млн тонна астықты сақтайтын мүмкіндік бар. Оның ішінде астық қабылдау кәсіпорындарында 12,4 млн тонна, фермерлерде 16,9 млн тонна астық сақтайтын орын жасақталған.

«2021 жылғы егін жинау науқаны аяқталуға жақын және қарқыны былтырғыдан жоғары. Жиын-терім жұмыстарына қатысты барлық мәселе министрліктің бақылауында», - деп аталып өткен ведомство хабарламасында.


Жоғары қарай