Ауа райы
Астана 18 °С
Алматы 18 °С
валюта бағамы
USD 412.55
EUR 468.66
RUB 5.79
CNY 58.80

«Е-МҮФТИЯТ» ақпараттық жүйесі іске қосылады

2020 жылдың 26 ақпан 2020 12:34

НҰР-СҰЛТАН. ҚазАқпарат - Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бастамасымен «Е-МҮФТИЯТ» ақпараттық жүйесі құрылады, деп хабарлайды ҚазАқпарат тілшісі.

ҚМДБ баспасөз қызметінің мәліметінше, бүгін елордада өткен алқалы жиында Бас мүфтиге аталған жобаның жоспары таныстырылған. «Е-МҮФТИЯТ» ақпараттық жүйесіне имам-молдалардың білім деңгейі, ғылыми дережесі, ұлты, отбасы жағдайы, облыстағы мешіт саны және басқа да мәліметтер енгізілмек.




«Қазір электронды технологияның дамыған заманы. Әлем электронды жүйеге көшу үдерісінде. Біз, дін қызметкерлері бұл тенденциядан қалыс қалмауымыз қажет. «Е-МҮФТИЯТ» ақпараттық жүйесі жұмыс тиімділігін арттырумен қатар, ҚМДБ Орталық аппаратының кадр қызметін оңтайландыруға оң ықпал етеді. Сондықтан осы жобаны жетілдіріп, іске қосуды тапсырамын», – деп атап өтті ҚМДБ Төрағасы Наурызбай қажы Тағанұлы.


Жоғары қарай