Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ДСМ: АҚШ-тағы Денсаулық көрсеткіштері институтының мәліметі Қазақстандағы нақты дерекке сай келмейді

2021 жылдың 9 мамыр 2021 11:45

НҰР-СҰЛТАН. ҚазАқпарат - ҚР Денсаулық сақтау министрлігі Денсаулық көрсеткіштері және бағалау институтының (ihme, АҚШ) «COVID-19 жалпы өлім-жітімін бағалау» атты жарияланған зерттеуіндегі ақпаратқа түзету жасайды, деп хабарлайды ҚазАқпарат аталған ведомствоның баспасөз қызметіне сілтеме жасап.

«ҚР Стратегиялық жоспарлау және реформалар жөніндегі агенттігінің статистика бюросының деректеріне сәйкес, 2020 жылдың қорытындысы бойынша коронавирустық инфекциядан қайтыс болғандар саны 4 729 адамды құрады. 2021 жылдың 4 айында КВИ-ден қайтыс болғандар саны 1 846 адамды құрады. Осылайша, пандемия басталғаннан бері Қазақстанда КВИ-ден 81 696 адам емес, 6 575 адам қайтыс болды. Денсаулық көрсеткіштері және бағалау институтының (ihme, АҚШ) көрсеткіштерінің дұрыс еместігі айқындалды» делінген хабарламада.

Сонымен қатар, Ұлттық статистика бюросының алдын ала деректері бойынша 2020 жылы қайтыс болғандардың саны 2019 жылмен салыстырғанда 21,8% немесе 29 124 адамға артып, 133 489 адамға қарағанда 162 613 адамды құрады. Осылайша, артық өлім-жітім 29 124 адамды құрады, бұл институттың мәлімделген көрсеткіштерін де жоққа шығарады.
Айта кетейік, КВИ – 4 729 адам немесе 16,2%-ды қоспағанда, адамдар басқа да өлімнен қайтыс болып жатты: қан айналымы жүйесінің аурулары, тыныс алу органдарының аурулары, жүйке жүйесінің аурулары, жұқпалы және паразиттік аурулар.
«Жоғарыда баяндалғанның негізінде «COVID-19-дан жалпы өлімді бағалау» денсаулық көрсеткіштері және бағалау институтының (ihme, АҚШ) жүргізген зерттеулеріне сәйкес жарияланған статистикалық деректер Қазақстан Республикасында тіркелген нақты деректерге сәйкес келмейтінін хабарлаймыз» деп түйінделген ҚР ДСМ хабарламасы.

Жоғары қарай