Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

«Достық» каналының қазақстандық бөлігіне жіберілетін су көлемі ұлғайды – Экология министрлігі

2021 жылдың 27 шілде 2021 09:59

НҰР-СҰЛТАН.ҚазАқпарат – «Достық» каналының қазақстандық бөлігіне су беру көлемі ұлғайды, деп хабарлайды ҚазАқпарат ҚР Экология, геология және табиғи ресурстар миннистрлігінің баспасөз қызметіне сілтеме жасап.

Қазақстан Республикасы мен Тәжікстан Республикасының Премьер-Министрлері телефон арқылы сөйлесу қорытындысы бойынша қол жеткізілген уағдаластыққа сәйкес 26 шілдеде Душанбе қаласында Қазақстан Республикасының Экология, геология және табиғи ресурстар министрі М. Мырзағалиевтің Тәжікстан Республикасының Энергетика және су шаруашылығы министрі Д. Джумамен екіжақты кездесуі өтті.

Кездесу барысында тараптар екі елдің су шаруашылығының мәселелерін талқылады.

Қазақстан тарапы Бахри-Точик су қоймасынан су тастауды ұлғайтқаны үшін тәжік тарапына алғыс білдірді.

Мәселен, Түркістан облысының ауыл шаруашылығы тауар өндірушілерін сумен қамтамасыз ету мақсатында «Достық» каналының қазақстандық бөлігіне су беру 80 м3/с-нан 100 м3/с-қа дейін ұлғайтылды.

«Тараптар Сырдария өзенінің орта және төменгі ағысындағы су шаруашылығы жағдайын жақсарту жөніндегі бірлескен шараларды жалғастыруға келісті»,-делінген хабарламада.


Жоғары қарай