Ауа райы
Астана -13 °С
Алматы -2 °С
валюта бағамы
USD 376.77
EUR 408.46
RUB 5.95
CNY 53.98

Допты хоккей: «Ақжайық» қарсыласынан ірі есеппен ұтылып қалды

2020 жылдың 18 қаңтар 2020 20:16

ОРАЛ. ҚазАқпарат - Допты хоккейден жоғары лига командалары арасындағы бүкілресейлік жарыста «Ақжайық» Воткинскіде «Знамя-Удмуртия» командасымен екінші ойынын өткізді, деп хабарлайды ҚазАқпарат тілшісі.

Бұл жолы айдын иелері ірі есеппен жеңіске жетті.

Бірінші таймда воткинскілік клуб 4:0 есебімен алға кетсе, екінші кезең қорытындысында 7:1-ге жеткізді.

Оралдықтардан жалғыз голды Петр Грибанов соқты.

«Ақжайық» екінші топта бұрынғыша 28 ұпаймен үшінші орында келеді.

Николай Шавалдиннің шәкірттері қалған он матчтың сегізін өз айдынында өткізеді. Демек, ұпай қорын толықтыруға толық мүмкіндік бар.

Еске сала кетейік, бұдан бұрын «Ақжайықтың» сырт айдында жеңіліп қалғанын жазған болатынбыз.

Жоғары қарай