Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Днепрде Қазақстанның консулдығы ашылды

2021 жылдың 7 шілде 2021 19:25

НҰР-СҰЛТАН. ҚазАқпарат – 6 шілде күні Украинаның Днепр қаласында Қазақстан Республикасының Днепропетровск облысындағы Құрметті консулдығының салтанатты ашылу рәсімі өтті, деп хабарлайды ҚазАқпарат Украинадағы Қазақстан Елшілігінің Telegram парақшасына сілтеме жасап.

Украинаның Сыртқы істер министрінің орынбасары Евгений Енин Украинаның ең ірі өндірістік өңірі – Днепропетровск облысындағы Қазақстанның құрметті консулдығының ашылуы маңызды екенін айтты. Днепропетровск облысы Қазақстан Республикасымен бұрыннан дәстүрлі жақын қарым-қатынаста.

Қазақстан Республикасының елшісі Дархан Кәлетаев Украинадағы Қазақстанның құрметті консулдары институтының жұмысын жоғары бағалады. Институт пандемия кезінде қиын жағдайға душар болған Қазақстан азаматтарына барынша көмек көрсеткен.




Ол құрметті консулдықтың Қазақстан Республикасының Тұңғыш Президенті – Елбасының туған күнінде ашылғанының мәні бар екенін айтты.

«Ол үшін Украина жері мен Днепропетровск облысы – бөтен жер емес. Дәл осы жерде болашақ Қазақстан Көшбасшысының еңбек жолы басталған», - деді қазақстандық дипломат.








Басты сөздер: Украина, ҚР СІМ,
Жоғары қарай