Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Дәрілік әрі медициналық заттардың 30 жаңа өндірісі іске қосылмақ

2021 жылдың 12 қазан 2021 13:24

НҰР-СҰЛТАН. ҚазАқпарат – Бүгін Үкімет орысында Денсаулық сақтау министрі Алексей Цой 2021-2025 жылдарға арналған саладағы ұлттық жобаны таныстырды, деп хабарлайды ҚазАқпарат тілшісі.

«Ұлттық жоба 4 бағыттан тұрады және 9 міндет, 21 көосеткішті, 72 іс-шараны қамтып отыр. Оны қаржыландыру 3,6 трлн теңгені құрайды», - деді А. Цой.

Оның айтуынша, аса тапшы мамандықтар бойынша резидентураның білім гранттары саны 3800-ге дейін, сондай-ақ әлімнің озық оқы орындарында қарқынды терапияның халықаралық стандарттары тұрғысында оқытылған дәрігерлер артады.

Ұлттық жоба аясында санитарлық-эпидемиологиялық сараптама зертханаларының үлесін көбейту ескерілген.

Мұнымен қоса, қабылданған шаралар халықаралық стандарттарына сәйкестелген тіркелген зертханалар санын арттыруға, дәрілік әрі медициналық заттардың 30-дан кем емес жаңа өндірісін іске қосуға мүмкіндік береді.

Бұдан бөлек, темекі тартатын адамдар санын азайту, салауатты өмір салтын ұстанатындар мен спортпен айналысатындар үлесін арттыру қамтылған.

«Экономикалық апектіде денсаулық сақтау саласына жеке инвестицияларды 783 млрд теңгеге дейін арттыру, 13 мың жаңа жұмыс орнын құру, жоспарланған», - деді министр.

Бұдан бұрын хабарланғандай, Ұлттық экономика министрі Әсет Ерғалиев үш ұлттық жобаны таныстырды.

Үкімет басшысы Асқар Мамин Ұлттық жобалар не үшін әзірленгенін айтты.


Жоғары қарай