Ауа райы
Астана 12 °С
Алматы 18 °С
валюта бағамы
USD 412.55
EUR 468.66
RUB 5.79
CNY 58.80

COVID-19: 25 жастағы пациент Нью-Йорк-Мәскеу-Алматы рейсімен ұшып келген

2020 жылдың 26 наурыз 2020 20:04

АЛМАТЫ. ҚазАқпарат – 25 жастағы пациент Нью-Йорк-Мәскеу-Алматы рейсімен ұшып келген. Бұл туралы Алматыдағы эпидемиологиялық ахуал туралы қалалық Қоғамдық денсаулықты сақтау басқармасының басшысы Тілеухан Әбілдаев онлайн брифинг кезінде айтты, деп хабарлайды ҚазАқпарат тілшісі.

Оның айтуынша, жаңадан анықталған пациенттердің бірі — 25 жастағы науқас 21 наурызда Нью-Йорк - Мәскеу - Алматы рейсімен ұшып келген.

«Ал қалған адамдар КВИ расталған адамдармен байланыста болғандар. Барлық пациенттердің жай-күйі қанағаттанарлық. Қалалық клиникалық жұқпалы аурулар ауруханаларында қазір 40 пациент бар, оның ішінде екеуі – бала. 38 пациенттің жай-күйі – қанағаттанарлық, 1 баланың жағдайы орташа дәрежеде, біреуінде – жағдайы ауыр, ентігуіне байланысты өкпені жасанды желдету аппаратында жатыр. Бүгінде провизорлық госпитальдарда карантинде 938 азамат, оның ішінде 56 бала бар. Карантиндегі барлық адамның температурасы қалыпты жағдайда», - деді Тілеухан Әбілдаев.


Жоғары қарай