Ауа райы
Астана 1 °С
Алматы 6 °С
валюта бағамы
USD 421.58
EUR 496.83
RUB 5.53
CNY 62.20

Бұрынғы Денсаулық сақтау вице-министрі 500 млн теңгені талан-таражға салды деп айыпталып отыр

2020 жылдың 21 қыркүйек 2020 12:55

НҰР-СҰЛТАН. ҚазАқпарат - Бұрынғы ҚР Денсаулық сақтау вице-министрі Олжас Әбішевке қатысты тергеу жалғасып жатыр. ​Бұл туралы ҚР ҚМ Қаржы мониторингі комитетінің төрағасы Жанат Элиманов айтты, деп хабарлайды ҚазАқпарат тілшісі.

«Ақпараттық жүйе құру үшін бөлінген 500 млн теңгеден астам қаражатты талан-таражға салу күдігіне ілінген бұрынғы Денсаулық сақтау вице-министрі Олжас Әбішевке қатысты тергеу жалғасып жатыр. Сот санкциясымен ол тұтқынға алынды, тергеу жалғасып жатыр», -деді ол Орталық коммуникациялар қызметіндегі баспасөз мәслихаты барысында.


Еске сала кетсек, бұдан бұрын Қазақстан Республикасы Қаржы министрлігінің Қаржы мониторингі комитеті Денсаулық сақтау вице-министрі Олжас Әбішевтің қамауға алынғанын растаған болатын. Ол бюджет қаражатын жымқырды деген күдікке ілінді.

Сонымен қатар, ҚР Денсаулық сақтау министрі Алексей Цой ведомствоның вице-министрі Олжас Әбішевтің қамауға алынуына қатысты пікір білдірді.

Айта кетсек, Олжас Әбішев 2018 жылы Денсаулық сақтау вице-министрі болып тағайындалған.

Жоғары қарай